Kampi Uskana ka në qendër fëmijët dhe gjeneratat e reja. Ideja e kampit është që përmes aktiviteteve dhe lojërave të ndryshme t’ju mundësohet fëmijëve të krijojnë miqësi të reja dhe të njihen mes vete, lidhje këto që pas përfundimit të kampit do duhet të mirëmbahen nga vetë fëmijët duke shfrytëzuar mjetet elektronike që janë pjesë e përditshmërisë së kohës në të cilën jetojmë.

Bursa Uskana ka për qëllim të ndihmojë studentët Shqiptarë nga Kërçova në aspiratat e tyre akademike. Si e tillë, Bursa ndahet në shumë prej nga $1,000 në vit për çdo student, shumë kjo e mjaftueshme për të mbuluar shpenzimet e banimit për një vit akademik.

Aplikacion për Bursa

Mbrëmja Kërçovare pasqyron shpirtin e bukur të Kërçovarëve për sofër të bashkuar, të shoqëruar me muzikë Shqipe dhe valle me veshje kombëtare. Qëllimi i kësaj mbrëmje është promovimi i vlerave tona kombëtare përmes artit. Çdo vit mbrëmja ka tema të ndyshme, që shërbejnë si një lloj mirënjohje për të arriturat e individëve të caktuar në fusha të ndryshme, ose promovim i ndonjë ideje të cilën bordi drejtues e llogaritë si të rëndësishme.

Në këtë mbrëmje, do ti nderojmë themeluesit e Shoqatës, do ndajmë histori të bukura – pjesë e së cilës jemi të gjithë ne, do të festojmë të tashmen e bukur në të cilën arritëm bashkë me Ju, dhe do të flasim për të ardhmen të cilën po vazhdojmë ta ndërtojmë bashkë me komunitetin Shqiptarë, posaçërisht me Shqiptarët e Kërçovës që jetojnë në ShBA.
Shoqata Uskana ka histori të bukura gjatë 20 viteve që lam pas. Përmes aktiviteteve tona ndërtuam miqësi të përjetshme, përkrahëm momente historike për kombin tonë, ndërtuam besim në rrethin ku jetojmë dhe ardhmëria duket akoma më e bukur.
Paraardhësit tanë ishin vizionarë ndërsa rininë e kemi të shkëlqyeshme.
Ju mirëpresim që të flasim për të gjitha këto, dhe faleminderit për 20 vitet e mrekullueshme!